ਫੇਰ ਕਿਸੇ, ਮੇਰੀ ਰਾਤ ਦੇ ਮੱਥੇ ,
ਚੰਨ-ਦੌਣੀ ਦਾ ਟਿੱਕਾ ਜੜਿਆ ,
ਫੇਰ ਕਿਸੇ ਦਹਿਲੀਜ਼ ਮੇਰੀ ਤੇ ,
ਕਿਰਨਾ ਦਾ ਇੱਕ , ਬੋਹੀਆ ਧਰਿਆ ,
ਚੰਨ-ਦੌਣੀ ਦਾ ਟਿੱਕਾ ਜੜਿਆ ,
ਫੇਰ ਕਿਸੇ ਦਹਿਲੀਜ਼ ਮੇਰੀ ਤੇ ,
ਕਿਰਨਾ ਦਾ ਇੱਕ , ਬੋਹੀਆ ਧਰਿਆ ,
ਕੌਣ ਸੀ ਜਿਸਦੀ ਪੈਛਲ ਆਈ ,
ਕੌਣ ਸੀ , ਜਿਸ ਅੱਜ ਦਰ ਖੜਕਾਇਆ ,
ਕੌਣ ਸੀ ਜੋ ਮੇਰੇ ਸਾਹੀਂ ਰਚਿਆ ,
ਕੌਣ ਸੀ , ਜਿਸ ਅੱਜ ਦਿਲ ਧੜਕਾਇਆ ,
ਕੌਣ ਸੀ , ਜਿਸ ਅੱਜ ਦਰ ਖੜਕਾਇਆ ,
ਕੌਣ ਸੀ ਜੋ ਮੇਰੇ ਸਾਹੀਂ ਰਚਿਆ ,
ਕੌਣ ਸੀ , ਜਿਸ ਅੱਜ ਦਿਲ ਧੜਕਾਇਆ ,
ਕੌਣ ਸੀ ਜਿਸ ਮੇਰੀ ਖੱਡੀ ਉੱਤੇ ,
ਤਕਦੀਰਾਂ ਦਾ ਤਾਣਾ ਬੁਣਿਆ ,
ਵੇਖ ਰਹੀ ਮੈਂ ਹੱਥ ਦੀਆਂ ਲੀਕਾਂ,
ਕੌਣ ਸੀ ਜਿਸ , ਸਰਨਾਵਾਂ ਖੁਣਿਆਂ ,
ਤਕਦੀਰਾਂ ਦਾ ਤਾਣਾ ਬੁਣਿਆ ,
ਵੇਖ ਰਹੀ ਮੈਂ ਹੱਥ ਦੀਆਂ ਲੀਕਾਂ,
ਕੌਣ ਸੀ ਜਿਸ , ਸਰਨਾਵਾਂ ਖੁਣਿਆਂ ,
ਲੈ ਫੁਲਕਾਰੀ ਹੱਥਾਂ ਦੇ ਵਿੱਚ ,
ਰੇਸ਼ਮ ਦਾ ਜਿਸ , ਤੋਪਾ ਭਰਿਆ ,
ਕੌਣ ਸੀ ਜਿਸ ਮੇਰੇ ਸਿਰ ਦੇ ਉੱਤੇ ,
ਤਾਰਿਆਂ ਦਾ , ਚੰਦੋਆ ਤਣਿਆਂ,
ਰੇਸ਼ਮ ਦਾ ਜਿਸ , ਤੋਪਾ ਭਰਿਆ ,
ਕੌਣ ਸੀ ਜਿਸ ਮੇਰੇ ਸਿਰ ਦੇ ਉੱਤੇ ,
ਤਾਰਿਆਂ ਦਾ , ਚੰਦੋਆ ਤਣਿਆਂ,
ਕੌਣ ਸੀ ਜਿਸ ਮੇਰੀ ਵੀਣੀ ਉੱਤੇ ,
ਕੇਸਰ-ਰੁੱਤ ਦਾ ਗਾਨਾਂ ਬੰਨ੍ਹਿਆਂ ,
ਕਿਸ ਮੈਨੂੰ ਅੱਜ ਮਾਈਏਂ ਪਾਇਆ ,
ਕਿਸ ਮੈਨੂੰ ਅੱਜ ਖਾਰੇ ਲਾਹਿਆ ,
ਕੇਸਰ-ਰੁੱਤ ਦਾ ਗਾਨਾਂ ਬੰਨ੍ਹਿਆਂ ,
ਕਿਸ ਮੈਨੂੰ ਅੱਜ ਮਾਈਏਂ ਪਾਇਆ ,
ਕਿਸ ਮੈਨੂੰ ਅੱਜ ਖਾਰੇ ਲਾਹਿਆ ,
ਕਿਸ ਜੋਗੀ ਮੇਰੀ ਸੁੰਨ ਦੇ ਕੰਨੀ ,
ਵਸਲਾਂ ਦਾ ਇੱਕ ਮੰਤਰ ਪੜ੍ਹਿਆ ,
ਕੌਣ ਸੀ ਓਹ , ਜਿਸ ਤਲੀ ਮੇਰੀ ਤੇ ,
ਮੁਹੱਬਤ ਦਾ ਇੱਕ , ਅੱਖਰ ਧਰਿਆ ,
ਵਸਲਾਂ ਦਾ ਇੱਕ ਮੰਤਰ ਪੜ੍ਹਿਆ ,
ਕੌਣ ਸੀ ਓਹ , ਜਿਸ ਤਲੀ ਮੇਰੀ ਤੇ ,
ਮੁਹੱਬਤ ਦਾ ਇੱਕ , ਅੱਖਰ ਧਰਿਆ ,
ਫੇਰ ਕਿਸੇ, ਮੇਰੀ ਰਾਤ ਦੇ ਮੱਥੇ ,
ਚੰਨ-ਦੌਣੀ ਦਾ ਟਿੱਕਾ ਜੜਿਆ ,
ਫੇਰ ਕਿਸੇ ਦਹਿਲੀਜ਼ ਮੇਰੀ ਤੇ ,
ਕਿਰਨਾ ਦਾ ਇੱਕ , ਬੋਹੀਆ ਧਰਿਆ ,
ਚੰਨ-ਦੌਣੀ ਦਾ ਟਿੱਕਾ ਜੜਿਆ ,
ਫੇਰ ਕਿਸੇ ਦਹਿਲੀਜ਼ ਮੇਰੀ ਤੇ ,
ਕਿਰਨਾ ਦਾ ਇੱਕ , ਬੋਹੀਆ ਧਰਿਆ ,
*
ਪਿਆਰ ਮੁਹੱਬਤ ਤੇ ਜ਼ਿੰਦਗੀ ਮੁਬਾਰਕ ਦੋਸਤੋ !
ਪਿਆਰ ਮੁਹੱਬਤ ਤੇ ਜ਼ਿੰਦਗੀ ਮੁਬਾਰਕ ਦੋਸਤੋ !
*
ਬੋਹੀਆ = ਛਿੱਕੂ , ਛੋਟੀ ਟੋਕਰੀ
ਦੌਣੀ = ਇਕ ਗਹਿਣਾ ਜੋ ਔਰਤਾਂ ਮੱਥੇ 'ਤੇ ਲਗਾਉਦੀਆਂ ਹਨ, ਜੜਾਉ ਟਿੱਕਾ
ਚੰਦੋਆ = ਵਿਆਹ ਵੇਲੇ ਮਾਈਏਂ ਪਾਉਣ ਜਾਂ ਖਾਰੇ ਲਾਹੁਣ ਸਮੇਂ ਲਾੜੇ ਲਾੜੀ ਦੇ ਸਿਰ ਤੇ ਤਾਣੀ ਜਾਣ ਵਾਲੀ ਸੂਹੇ ਰੰਗ ਦੀ ਚਾਦਰ ਜਾਂ ਫੁਲਕਾਰੀ
ਖਾਰਿਓਂ ਲਾਹੁਣਾ =ਵਿਆਹ ਵਾਲੇ ਦਿਨ ਸੂਰਜ ਚੜ੍ਹਨ ਤੋਂ ਪਹਿਲਾਂ ਮੁੰਡੇ ਜਾਂ ਕੁੜੀ ਦੀ ਨ੍ਹਾਈ-ਧੋਈ ਦੀ ਰਸਮ ਹੁੰਦੀ ਹੈ। ਮਾਮਾ, ਭਾਣਜੇ-ਭਾਣਜੀ ਨੂੰ ਖਾਰਿਓਂ ਲਾਹੁੰਦਾ ਹੈ।
*
ਜਸਮੇਰ ਸਿੰਘ ਲਾਲ
09/01/2015
ਜਸਮੇਰ ਸਿੰਘ ਲਾਲ
09/01/2015
