ਦਰਦ ਲਹਿਰਾਂ ਦਾ

ਦਰਦ ਲਹਿਰਾਂ ਦਾ

*

ਦਰਦ  ਸਾਗਰਾਂ ਨੂੰ , ਤੇ ਨਾ ਹੀ, ਕਿਨਾਰਿਆਂ ਕੋਈ ,
ਦੋਨੋਂ  ਹੀ ਰੱਖਣ, ਘੇਰ ਕੇ , ਵਜੂਦ ਲਹਿਰਾਂ ਦਾ !

ਕਿਨਾਰੇ ਰੋੜ੍ਹ ਕੇ ਹੱਸਦੇ , ਜਿਸਮ ਨੂੰ ਤੋੜ ਕੇ ਹੱਸਦੇ ,
ਹੱਸੇ ਸਾਗਰ ਵੀ , ਤੁਫਾਨ ਜਦ , ਚੀਰੇ ਵਜੂਦ ਲਹਿਰਾਂ ਦਾ !

ਕਦੇ ਡਿਗਣਾ ਢਲਾਣਾ  ਤੋਂ , ਕਦੇ ਹੇਠਾਂ ਪਹਾੜਾਂ ਤੋਂ ,
ਝਰਨਾ ..ਹੋ ਕਦੇ ਵਗਣਾ , ਨਦੀਆਂ, ਦਰਿਆਵਾਂ ਤੋਂ ,

ਔਕਾਤ ਜਾਣਾਂ ਬਾ-ਖੂਬ ਆਪਣੀ , ਮੌਜ ਹਾਂ , ਮੈਂ ਪਾਣੀ ਦੀ,
ਵਗਦੀ ਕਦੇ ਮੈਂ ਬਹਿਰ ਹਾਂ, ਲਹਿਰ ਤਰਦੀ , ਮੈਂ ਪਾਣੀ ਦੀ ,


ਪੱਥਰ ਕੀ ਤੇ ਝੱਖੜ ਕੀ, ਕਿਨਾਰੇ ਕੀ ਤੇ ਸਾਗਰ ਕੀ ..
ਰੋਣਾ ਕੀ ਤੇ ਹੱਸਣਾ ਕੀ ... ਰੁੱਸਣਾ ਕੀ ਤੇ, ਟੁੱਟਣਾ ਕੀ ,

ਹਿਜਰ ਆਖਾਂ , ਵਸਲ ਆਖਾਂ , ਜਾਂ ਆਖਾਂ , ਤਕਦੀਰ-ਏ-ਅਜ਼ਲ ਇਸ ਨੂੰ ,
ਦਰਦ-ਏ-ਜਿਗਰ ਆਖਾਂ , ਪੱਤਝੜ , ਬਹਾਰ , ਜਾਂ ਆਖਾਂ ਦਾਸਤਾਨ-ਏ-ਜ਼ਿੰਦਗੀ ਇਸਨੂੰ ,

ਭਿੜਨਾਂ   ਝੱਖੜਾਂ ਦੇ  ਨਾਲ ,  ਵਹਿੰਦੇ ਜਾਣਾਂ, ਵਹਿਣਾਂ  ਨਾਲ ,
ਲਿਹਾਜ਼ਾ ਇਹੀਓ ਹੈ ਬੱਸ ਇੱਕ ,  ਹੱਦ-ਓ-ਹਦੂਦ ਲਹਿਰਾਂ ਦਾ !!

ਦਰਦ ਸਾਗਰਾਂ ਨੂੰ , ਤੇ ਨਾ ਹੀ, ਕਿਨਾਰਿਆਂ ਕੋਈ ,
ਦੋਨੋਂ  ਹੀ ਰੱਖਣ, ਘੇਰ ਕੇ , ਵਜੂਦ ਲਹਿਰਾਂ ਦਾ !

ਕਿਨਾਰੇ ਰੋੜ੍ਹ ਕੇ ਹੱਸਦੇ , ਜਿਸਮ ਨੂੰ ਤੋੜ ਕੇ ਹੱਸਦੇ ,
ਹੱਸੇ ਸਾਗਰ ਵੀ , ਤੁਫਾਨ ਜਦ , ਚੀਰੇ ਵਜੂਦ ਲਹਿਰਾਂ ਦਾ !


ਜਸਮੇਰ ਸਿੰਘ ਲਾਲ
03/01/2015