ਤੂੰ ਆ ਵੇ ਸੱਜਣਾ ਦੂਰ ਦਿਆ ,

ਤੂੰ ਆ ਵੇ ਸੱਜਣਾ ਦੂਰ ਦਿਆ ,

ਤੂੰ ਆ ਕਿ ਬਾਗੀਂ ਬੂਰ ਪਿਆ ,

ਆ ਕਿ ਅੰਬੀਆਂ ਪੱਕ ਚੱਲੀਆਂ ,

ਆ ਕਿ ਤੋਤਿਆਂ ਟੁੱਕ ਚੱਲੀਆਂ ,

ਕਿੱਥੇ ਬੈਠਾ ਏਂ ਮਾਲੀਆ ਲੁਕ ਛਿਪ ਕੇ ,
ਤੂੰ ਆ ਕਿ ਰੁੱਤਾਂ ਮੁੱਕ  ਚੱਲੀਆਂ .....

ਆ ਕਿ ਬੱਦਲ ਬਰਸ ਰਹੇ ,

ਆ ਕਿ ਅੱਖਰ ਤਰਸ ਰਹੇ ,

ਆ ਕਿ ਚਾ ਮੇਰੇ ਨਿੱਸਰ ਪਏ ,

ਆ ਕਿ ਸਾਵਣ ਲੰਘ ਚੱਲਿਆ ,

ਕਿੱਥੇ ਬੈਠਾ ਏਂ  ਸੁਰਾਂ ਦਿਆ ਹਾਣੀਆਂ

ਤੂੰ ਆ ਕਿ ਕੋਇਲਾਂ ਥੱਕ ਚੱਲੀਆਂ  ....

ਆ ਕਿ ਗੀਤ ਤਾਂ ਮੁੱਕ ਚੱਲੇ ,

ਆ ਕਿ ਬੁਰਸ਼ ਤਾਂ ਸੁੱਕ ਚੱਲੇ ,

ਆ ਕਿ ਰੰਗ ਅਧੂਰੇ ਹਨ ,

ਇਹ ਕਿੱਥੋਂ ਤੇਰੇ ਬਿਨ ਪੂਰੇ ਹਨ ,

ਕਿੱਥੇ ਬੈਠਾਂ ਵੇ ਮੁਸੱਵਰਾ ਲੁਕ ਛਿਪ ਕੇ ,

ਤੂੰ ਆ ਕਿ ਨਜ਼ਮਾਂ  ਰੁੱਸ ਚੱਲੀਆਂ ....

*

ਜਸਮੇਰ ਸਿੰਘ ਲਾਲ

07/06/2015