ਸਵਾਲਾਂ ਦੇ ਜਵਾਬ ਟੋਲਦੀਏ , ਕੁੜੀਏ , 
ਬਸ ਇਹੀ ਕਹਾਂਗਾ , 
ਤੇਰੇ ਸਾਰੇ ਸਵਾਲਾਂ ਦਾ ਜਵਾਬ , 
ਭਾਵੇਂ ਮੈਂ ਨਾ ਵੀ ਹੋਵਾਂ , 
ਪਰ ਤੇਰੀ ਰੂਹ ਦੇ ਨਾਲ ਜੁੜਾਂਗਾ ,
ਤੇਰੇ ਸਵਾਲਾਂ ਦੇ ਜਵਾਬਾਂ ਨੂੰ ਟੋਲਣ ਲਈ ,
ਇਸ ਧਰਤੀ ਦੇ ਬਿੱਖੜੇ ਰਾਹਾਂ ਉੱਤੇ ,
ਤੇਰੇ ਨਾਲ ਤੁਰਾਂਗਾ ,

ਨੀ ਸਵਾਲਾਂ ਦੇ ਜਵਾਬ ਟੋਲਦੀਏ ਕੁੜੀਏ ,
ਤੇਰੇ ਇੱਕ ਸਵਾਲ ਦਾ ਜਵਾਬ ,

ਤੇਰੀ ਇੱਕ ਖੋਜ ਦਾ ਹਾਸਲ ,
ਤਾਂ ਮੈਂ ਖੁਦ ਵੀ ਹਾਂ !

ਤੂੰ ਇੱਕ ਵਾਰ ,
ਮੈਨੂੰ ਨੀਝ ਲਾ ਕੇ ਵੇਖ ਤਾਂ ਸਹੀ ,
ਤੇਰੇ ਜਨਮਾਂ ਦੀ ਤ੍ਰਿਹਾਈ ,
ਤੇਰੀ ਪਿਆਸ ਦੀ ਪੂਰਕ ,
ਪਾਣੀ ਦੀ ਉਹ ਬੂੰਦ ,
ਉਸਦੀ ਬਹਿਰ ,
ਉਸ ਝਰਨੇ ਦੀ ਲਹਿਰ ,
ਤਾਂ ਮੈਂ ਖੁਦ ਹੀ ਹਾਂ !


ਤੂੰ ਆ ,
ਮੇਰਾ ਹੱਥ ਫੜ ਕੁੜੀਏ ,
ਤੇਰੀ ਰੂਹ ਦੇ ਨਾਲ ਜੁੜਾਂਗਾ ,
ਤੇਰੇ ਸਵਾਲਾਂ ਦੇ ਜਵਾਬਾਂ ਨੂੰ ਟੋਲਣ ਲਈ ,
ਇਸ ਧਰਤੀ ਦੇ ਬਿੱਖੜੇ ਰਾਹਾਂ ਉੱਤੇ ,
ਤੇਰੇ ਨਾਲ ਤੁਰਾਂਗਾ ,

ਨੀ ਸਵਾਲਾਂ ਦੇ ਜਵਾਬ ਟੋਲਦੀਏ ਕੁੜੀਏ !!

ਜਸਮੇਰ ਸਿੰਘ ਲਾਲ
05/05/ 2013