ਧਰਮ ਦੇ ਤਿੜਕੇ ਹੋਏ , ਝੁਲਸੇ ਹੋਏ ਚਿਹਰੇ !!
ਜੋ ਅੱਜ ਅੰਮ੍ਰਿਤਸਰ ਹਰਮੰਦਿਰ ਸਾਹਿਬ ਵਿੱਚ ਹੋਇਆ , ਬਿਲਕੁਲ 84 ਵਿੱਚ ਏਹੀਓ ਹੋਇਆ ਸੀ , ਇੰਨ੍ਹਾ ਹੀ ਧਰਮ ਦੇ ਠੇਕੇਦਾਰਾਂ ਨੇਂ ਕਰਵਾਇਆ ਸੀ ! ਫਰਕ ਸਿਰਫ਼ ਐਨਾ ਸੀ ਕਿ , ਇੱਥੇ ਇੱਕੋ ਧਰਮ ਦਾ ਤਿੜਕਿਆ ਹੋਇਆ ਚੇਹਰਾ ਨੰਗਾ ਹੋ ਰਿਹਾ ਹੈ , 84 ਵਿੱਚ ਦੋ ਧਰਮਾਂ ਦੇ ਤਿੜਕੇ ਹੋਏ ਚੇਹਰੇ ਨੰਗੇ ਹੋਏ ਸਨ .... ਅਤੇ ਇਸ ਘੱਲੂਘਾਰੇ ਅੰਦਰ ਲਹੂ ਲੁਹਾਨ ਹੋਇਆ ਸੀ ਸਾਡਾ ਗੁਰੂ ਗ੍ਰੰਥ ਸਾਹਿਬ ....ਸਾਡੇ ਸਾਰੇ ਗੁਰੂਆਂ ਦੀ ਸੋਚ ....ਅਸਲੀ ਸਿੱਖ ਸੋਚ ਜੋ ਧਰਮ ਨਿਰਪੱਖ ਹੈ , ਜਾਤ ਪਾਤ ਨਿਰਪੱਖ ਹੈ ...ਅਤੇ ਕਤਲ ਹੋਇਆ ਸੀ ਮਾਸੂਮ ਸਿੱਖ ਭੋਲੇ ਭਾਲੇ ਸ਼ਰਧਾਲੂਆਂ ਦਾ ..ਅਤੇ ਇਹ ਅੱਗ ਐਸੀ ਫੈਲੀ ਸੀ ਕਿ ਬਾਦ ਵਿੱਚ ਪਿੰਡਾਂ ਦੇ ਪਿੰਡ ਇਸ ਕਤਲੋਗਾਰਤ ਵਿੱਚ ਗਰਕ ਹੋ ਗਏ ਸਨ , ਜਿਸ ਦੇ ਸਿਵੇ ਦੀ ਅੱਗ ਹਾਲੇ ਤੀਕਰ ਸਮੁਚੀ ਮਨੁੱਖਤਾ ਦੀ ਛਾਤੀ ਵਿੱਚ ਬਲਦੀ ਪਈ ਹੈ ....
ਹੌਲੀ ਹੌਲੀ ਸਾਡੀਆਂ ਅੱਖਾਂ ਤੋਂ ਭਾਵਨਾਵਾਂ ਦੀ ਪੱਟੀ ਉੱਤਰੇਗੀ , ਹੌਲੀ ਹੌਲੀ ਇਸ ਖੋਖਲੀ ਸਿੱਖ ਸਿਆਸਤ ਦਾ ਧਾਰਮਕ ਚਿਹਰਾ ਲੋਕਾਂ ਸਾਹਮਣੇ ਆ ਜਾਵੇਗਾ ! ਜੋ ਸਿੱਖ ਸਿਆਸਤ ਘੱਟ ਹੈ ਲੇਕਿਨ ਅਸਲੀਅਤ ਵਿੱਚ ਇੱਕ ਨਿਰੋਲ ਕੱਟੜ ਜੱਟ-ਸਿੱਖ ਵਾਦ ਹੈ ! ਉਸਤੋਂ ਬਾਦ ਹੀ ਕਿਤੇ ਜਾ ਕੇ ,ਸਾਡੇ ਗੁਰੂਆਂ ਦੀ ਘਾਲਣਾ ਦਾ ਅਸਲੀ ਸੁਨੇਹਾ ਲੋਕਾਂ ਵਿੱਚ ਉਜਾਗਰ ਹੋ ਸਕੇਗਾ ...
*
*
*
ਤੜ ਤੱਕ ਅੰਧਕਾਰ ਹੈ ..
ਜਸਮੇਰ ਸਿੰਘ ਲਾਲ
06/06/2014
No comments:
Post a Comment