ਨਜ਼ਮ ਤੇਰੀ ਜਿਵੇਂ ਚੰਨ ਦਾ ਟੁਕੜਾ

ਨਜ਼ਮ ਤੇਰੀ ,
ਜਿਵੇਂ ਤਾਰਕਾ ਮੰਡਲ ,

ਮੈਂ ,
ਕਿਹਨੂੰ ਚੁੱਕਾਂ ....

ਮੈਂ ,
ਕਿਹਨੂੰ ਚੁੰਮਾਂ ...

ਮੈਂ ,
ਕਿਹਨੂੰ ਰੱਖਾਂ ....

ਨਜ਼ਮਤੇਰੀ ,
ਜਿਓਂ ਧਾਰ ਚਾਨਣ ਦੀ ,

ਮੈਂ ,
ਮੱਥੇ ਲਾਈ ..

ਭਰ ,
ਭਰ ਚੁਲੀਆਂ

ਮੈਂ ,
ਸਿਰ ਛਿੜਕਾਈ .....!!

ਉਮਰਾਂ ਤੋਂ ,
ਮੇਰੀ ਰੂਹ ਤ੍ਰਿਹਾਈ ,

ਨਜ਼ਮ ਤੇਰੀ ,
ਜਿਓਂ ਅੰਮ੍ਰਿਤ ਬੂੰਦਾਂ ....

ਚੁਲੀ ,
ਚੁਲੀ ਭਰ ....

ਮੈਂ ,
ਮੂੰਹ ਵਿੱਚ ਪਾਈ ..

ਮੈਂ ,
ਰੂਹ ਰੁਸ਼ਨਾਈ ...!!

ਨਜ਼ਮ ਤੇਰੀ ,
ਜਿਓਂ ਬਾਲ ਇੰਞਾਂਣਾ

ਪਾ ,
ਪੈਰੀਂ ਸਗਲੇ ,

ਤੜਾਗੀ
ਲੱਕ ਬਨ੍ਹੀਂ ,

ਪਈ ,
ਪੋਲੇ ਪੋਲੇ

ਠੁੰਮਕ
ਪੱਬ ਧਰਦੀ ,

ਮੇਰੇ ,
ਵੇਹੜੇ ਆਈ ...

ਮੈਨੂੰ ,
ਜੱਦ ਤੱਕਿਆ ,

ਉਸ ,
ਖਿੱਲੀ ਪਾਈ ..

ਮੇਰੇ ,
ਵਲ ਧਾਈ ,

ਨਜ਼ਮ ਤੇਰੀ ਮੈਂ ,
ਚੁੱਕ ਢਾਕੇ ਲਾਈ.....!!

ਨਜ਼ਮ ,
ਤੇਰੀ ਦੀ ,

ਮੈਂ
ਲਵਾਂ ਬਲਾਈ ,

ਨਜ਼ਮ ,
ਤੇਰੀ ਦੀ ,

ਰਵ੍ਹੇ
ਉਮਰ ਸਵਾਈ !!

*
ਉਮਰਾਂ ਤੋਂ ,
ਮੇਰੀ ਰੂਹ ਤ੍ਰਿਹਾਈ ,

ਨਜ਼ਮ ਤੇਰੀ ,
ਜਿਓਂ ਅੰਮ੍ਰਿਤ ਬੂੰਦਾਂ ....

ਚੁਲੀ ,
ਚੁਲੀ ਭਰ ....

ਮੈਂ ,
ਮੂੰਹ ਵਿੱਚ ਪਾਈ ..

ਮੈਂ ,
ਰੂਹ ਰੁਸ਼ਨਾਈ ...!!

*

ਨਜ਼ਮਾਂ ਮੁਬਾਰਕ ਦੋਸਤੋ

*

ਜਸਮੇਰ ਸਿੰਘ ਲਾਲ
23/06/2014

 —