ਮੇਰਾ ਸੇਕ ਕਿਤੇ ਨਾਂ ਠਰ ਜਾਵੇ ,
ਮੇਰਾ ਸੂਰਜ ਕਿਤੇ ਨਾ ਢਲ ਜਾਵੇ ,

ਮੇਰੇ ਗੀਤਾਂ ਦੀਆਂ ਇੰਨ੍ਹਾ ਹੂਕਾਂ ਚੋਂ,
ਕਿਤੇ ਪੀੜ ਨਾ ਅੱਥਰੀ ਮਰ ਜਾਵੇ ,

ਨੀ ਸੂਰਜ ਜਹੀ ਇੱਕ ਕੁੜੀਏ ....
ਮੇਰੇ ਸੇਕ ਤ੍ਰ੍ੱਕਦੇ ਗੀਤਾਂ ਵਿੱਚ , ਅੱਜ ਅੱਗ ਤੂੰ ਸੱਜਰੀ ਧਰਦੀ ਜਾਹ ...!!

ਇਸ ਹਵਾ ਚ’ ਤੁੰਮੇ ਖਿੱਲਰੇ ਨੇਂ ,
ਮੇਰੇ ਗੀਤਾਂ ਦੇ ਸਾਹੀਂ ਕੌੜ ਚੜ੍ਹੇ ,

ਇੰਨ੍ਹਾਂ ਰਾਹਾਂ ਚ’ ਭੱਖੜੇ ਖਿੱਲਰੇ ਨੇਂ ,
ਮੇਰੇ ਗੀਤਾਂ ਦੇ ਪੈਰਾਂ ਚੋਂ’ ਦਰਦ ਰਿਸੇ ,

ਨੀ ...ਮਾਲਣ ਜਹੀ... ਤੂੰ ਕੁੜੀਏ ,
ਕਰ ਗੋਡ ਤੂੰ ਕੱਲਰੀ ਧਰਤੀ ਦੀ , ਇਸ ਧਰਤ ਚੋਂ’ ਸੂਲਾਂ ਚੁਗਦੀ ਜਾਹ ....!!

ਇਸ ਸ਼ਹਿਰ ਚ’ ਕੈਦੋਂ ਵਸਦੇ ਨੇਂ ,
ਮੇਰੇ ਗੀਤਾਂ ਦੀ ਰੂਹ ਨੂੰ ਕਹਿਰ ਪਵੇ ,

ਇਸ ਹਵਾ ਦੀ ਗਰਦ ਚ' ਦਰਦ ਬੜੇ ,
ਮੇਰੇ ਗੀਤਾਂ ਦੇ ਸਾਹੀਂ ਜ਼ਹਿਰ ਚੜ੍ਹੇ ,

ਨੀ ਪ੍ਰੀਤ ਜਹੀ ਤੂੰ ਕੁੜੀਏ ,
ਕਿਸੇ ਹੀਰ ਤੋਂ ਵਿਛੜੇ ਰਾਂਝੇ ਨੂੰ , ਪਤਾ ਝੰਗ ਸਿਆਲ ਦਾ ਦੱਸਦੀ ਜਾਹ ...!!

ਹਾਏ ...ਨੀ ..ਮਿੱਠੀਏ ਕੁੜੀਏ ,
ਦੋ ਡਲੀਆਂ ਮਿਸ਼ਰੀ ਬੋਲਾਂ ਦੀਆਂ , ਅੱਜ ਮੇਰੀ ਤਲੀ ਵੀ ਧਰਦੀ ਜਾ ...!!

*

( ਮੇਰੇ ਪਹਿਲੇ 27/04/2014 ਨੂੰ ਪੋਸਟ ਕੀਤੇ ਗੀਤ ,” ਹਾਏ ਨੀਂ ਮਿੱਠੀਏ ਕੁੜੀਏ ” ਦਾ ਅਗਲਾ ਹਿੱਸਾ )

*

ਜਸਮੇਰ ਸਿੰਘ ਲਾਲ
30/04/2014

 —