ਕੋਈ
ਲਾਹ ਗਿਆ ਅੱਜ
ਸਿਰ ਮੇਰੇ ਤੋਂ ਕੰਡਿਆਂ ਦਾ ਤਾਜ !

ਉਸ ਰੱਜ ਕੇ ਗੱਲਾਂ ਕੀਤੀਆਂ , 
ਸਦੀਆਂ ਦੀ ਪੀੜਾਂ ਚੁਸੀਆਂ,

ਕੋਈ
ਧੋ ਗਿਆ ਅੱਜ ,
ਮੱਥੇ ਮੇਰੇ ਤੋਂ , ਤੋਹਮਤਾਂ ਦੇ ਦਾਗ !

ਰਾਖਸ਼ਸ਼ ਨੂੰ ਉਸ ਦਹਾੜਿਆ ,
ਹੋਣੀ ਨੂੰ ਉਸ ਪਛਾੜਿਆ ,
ਫਿਰ ਲਾਹ ਮੈਨੂੰ ਸਲੀਬ ਤੋਂ ... ...

ਕੋਈ
ਧਰ ਗਿਆ ਅੱਜ ,
ਸਿਰ ਮੇਰੇ ਤੇ , ਤਾਰਿਆਂ ਦਾ ਥਾਲ !!

ਪੁੱਠੀਆਂ ,
ਸੀ ਝੁੱਲੀਆਂ ਹਨ੍ਹੇਰਿਆਂ ,

ਕੁੱਖਾਂ ਸੀ ,
ਰੁੱਖਾਂ ਨੂੰ ਖਾ ਲਿਆ ,

ਪੀੜਾਂ ਨੇਂ ,
ਹੁਣ ਤੱਕ ਸਿਲ੍ਹੀਆਂ ,

ਧੁਖਣ ,
ਰੂਹਾਂ ਅਜੇ ਤੱਕ ਗਿੱਲੀਆਂ,

ਗਲੇ ,
ਲੱਗ ਧਰਤ ਦੇ ਪੁੱਛਿਆ ,

ਅੱਜ ,
ਪੱਤਿਆਂ ਜੜ੍ਹਾਂ ਦਾ ਹਾਲ ....

ਕੋਈ
ਲਾਹ ਗਿਆ ਅੱਜ
ਸਿਰ ਮੇਰੇ ਤੋਂ ਕੰਡਿਆਂ ਦਾ ਤਾਜ !

*

ਜਸਮੇਰ ਸਿੰਘ ਲਾਲ
29 / 04 / 2014