ਅੱਖ ਫੜਕੇ ਮੇਰੀ ਕੋਠੀ ਧੜਕੇ ,
ਹੱਥਾਂ ਚੋਂ ਅੱਜ , ਆਟਾ ਭੁੜਕੇ ,

ਲਗਦਾ ਹੈ ਕੋਈ ਆਇਆ ਹੈ !!

ਬਾਗਾਂ ਦੇ ਵਿੱਚ ਕੋਇਲ ਗਾਵੇ ,
ਬਾਂਗ ਮੋਰ ਦੀ ਧੂ ਪਈ ਪਾਵੇ ,
ਪਿਹੂ ਪਿਹੂ ਕੋਈ ਰਾਗ ਅਲਾਵੇ ,

ਲਗਦਾ ਹੈ ਕੋਈ ਆਇਆ ਹੈ !!

ਕੱਤੇ ਸਨ ਜੋ , ਸੁਪਨੇ ਆਪਾਂ ,
ਗੀਤ ਜੋ ਆਪਾਂ ਕੱਠਿਆਂ ਗਾਏ ,
ਨਾਚ ਜੋ ਆਪਾਂ ਕੱਠਿਆਂ ਨੱਚੇ
ਹਵਾ ਵਿੱਚੋਂ ਅੱਜ ਮਹਿਕ ਜਹੀ ਆਏ ,

ਲਗਦਾ ਹੈ ਕੋਈ ... ਆਇਆ ਹੈ !!

ਫੁੱਲਾਂ ਤੇ ... ...ਭੰਵਰਾ ਮੰਡਰਾਏ ,
ਇਕੱਲ ਮੇਰੀ ਮੈਨੂੰ ਖੋਰਦੀ ਜਾਏ ,
ਸੁਪਨੇ ਦੀ ਜਿਵੇਂ ਅੱਖ ਚੁਭ੍ਹ ਜਾਏ
ਪੈਰ ਪੈਰ ਤੇ , ਦਿਲ ਘਬਰਾਏ ,

ਲਗਦਾ ਹੈ ਕੋਈ , ਆਇਆ ਹੈ !!

ਆ ਜਾ ਵੇ , ਹੁਣ ਮਾਹੀ ਆ ਜਾ ,
ਰੋਂਦੇ ਸੁਪਨੇ ਨੂੰ ... ..ਵਰਜਾ ਜਾ ,
ਹਰ ਖੂੰਜੇ ਤੇਰੀ , ਹੋਂਦ ਨੂੰ ਲਭ੍ਹਦਾ ,
ਬਾਰ ਬਾਰ ਇਹ ਬਾਹਰ ਨੂੰ ਤੱਕਦਾ ,
ਹਰ ਪੈਛਲ ਤੇ ... ... ਮੈਨੂੰ ਪੁੱਛਦਾ ,

ਲਗਦਾ ਹੈ ਕੋਈ , ਆਇਆ ਹੈ !!

*

ਮੇਰਾ ਇਹ ਗੀਤ , ਪਿਆਰੇ ਦੋਸਤ , ਦਯਾ ਰਾਮ ਜੀ ਨਮਨ Daya Babu Naman ਅਤੇ ਆਪਣੇ ਵੱਡੇ ਸਤਿਕਾਰ ਯੋਗ ਵੀਰ Shiv Bhagirath ਸ਼ਿਵ ਸ਼ਰਨ ਸਿੰਘ ਭਾਗੀਰਥ ਹੋਰਾਂ ਨੂੰ ਸਮਰਪਤ !

*

ਜਸਮੇਰ ਸਿੰਘ ਲਾਲ
09/06/2014

 —