ਨਵੇਂ ਸਵਾਲ , 
ਨਵੀਂ ਸੋਚ , ਨਵੀਂ ਸੱਤਾ , 
ਨਵੇਂ ਆਕਾਸ਼ , ਨਵੇਂ ਦਿਸ ਹੱਦੇ , ਨਵੀਂ ਸਵੇਰ ਮੁਬਾਰਕ ਦੋਸਤੋ ! 

*

ਇਤਿਹਾਸ ਗਵਾਹ ਹੈ ਕਿ ਇੱਕ ਇੱਕਲਾ ਆਦਮੀ ਵੀ ਦੁਨੀਆਂ ਦਾ ਨਕਸ਼ਾ ਬਦਲ ਕੇ ਰੱਖ ਦਿੰਦਾ ਹੈ ! ਮੈਂ ਜਿੰਨਾਂ ਕੁ ਕੇਜਰੀਵਾਲ ਜੀ ਦੀ ਸ਼ਖਸੀਅਤ ਨੂੰ ਯੂ ਟਿਓਬ ਦੇ ਮਾਧਿਅਮ ਰਾਹੀਂ ਜਾਣਿਆ ਹੈ , ਓਹ ਇਹ ਹੈ ਕਿ ਉਸ ਇੱਕਲੇ ਨੇਂ ਦੇਸ਼ ਦੀ ਰਾਜਨੀਤੀ ਨੂੰ ਬਦਲ ਦੇਣ ਦਾ ਸੁਪਨਾ ਲਿਆ ਅਤੇ ਉਸ ਉੱਤੇ ਪਿਛਲੇ ਦਸ ਬਾਰਾਂ ਸਾਲਾਂ ਤੋਂ ਅਮਲੀ ਤੌਰ ਉੱਤੇ ਪੂਰੀ ਸਰਗਰਮੀ ਨਾਲ ਵੱਖਰੇ ਵੱਖਰੇ ਤਰੀਕਿਆਂ ਨਾਲ ਜੁੱਟਿਆ ਰਿਹਾ ਹੈ ! ਅੰਨਾ ਹਜ਼ਾਰੇ ਦੇ ਅੰਦੋਲਨ ਨੂੰ ਵੀ ਵੱਡੀ ਲੋਕ ਧਾਰਾ ਵਿੱਚ ਬਦਲਣ ਵਿੱਚ ਉਸਦਾ ਦਿਮਾਗ ਸੀ ,

ਅੱਜ ਕਿਹਾ ਜਾ ਸਕਦਾ ਹੈ ਕਿ " ਦਿੱਲੀ ਦੀ ਜੰਤਾ ਨੇਂ ਉਸਨੂੰ ਜ਼ੀਰੋ ਤੋ ਹੀਰੋ ਬਣਾ ਦਿਤਾ -ਉਸ ਦੇ ਭ੍ਰਿਸ਼ਟਾਚਾਰ ਦੇ ਖਿਲਾਫ਼ ਦਿੱਤੇ ਨਾਹਰੇ ਤੇ ਵਿਸ਼ਵਾਸ਼ ਵੀ ਦਿਲੋਂ ਕੀਤਾ---ਉਸ ਨੂੰ ਆਪਣੀ ਸਮੱਸਿਆ ਦਾ ਹੱਲ ਵੀ ਦਿਲੋਂ ਸਮਝਿਆ ਤੇ ਉਸ ਨੂੰ ਪੂਰਾ ਸਮਰਥਨ ਵੀ ਦਿਲੋਂ ਦਿੱਤਾ---ਪਰ ਫੇਰ ਜਦੋਂ ਇਸ ਆਮ ਆਦਮੀ ਨੂੰ ਵੱਡੀ ਕੁਰਸੀ ਦਿਖਾਈ ਦੇਣ ਲੱਗ ਪਈ—ਤੇ ਕੁਝ ਹੀ ਦਿਨਾਂ ਚ ਉਸ ਜਨਤਾ ਦਾ ਸਾਥ ਛੱਡ ਕੇ ਓਹਨਾ ਦਾ ਬਿਨਾ ਕੁਸ਼ ਸੰਵਾਰੇ ਪ੍ਰਧਾਨ ਮੰਤਰੀ ਬਣਨ ਦਾ ਸੁਪਨਾ ਪੂਰਾ ਕਰਨ ਲਈ ਆਪਣੀ ਲਹਿਰ ਦਾ ਫਾਇਦਾ ਉਠਾਉਣ ਲਈ ਭੱਜ ਗਿਆ ਤਾਂ ਓਸੇ ਜਨਤਾ ਨੇ ਆਪਣੀ ਅਕਲ ਦਾ ਮੁਜ਼ਾਹਰਾ ਫੇਰ ਕਰ ਦਿਖਾਇਆ----ਇਸ ਤੋਂ ਹਰ ਉਸ ਸਿਆਸੀ ਬੰਦੇ ਨੂੰ ਸਬਕ ਮਿਲੇਗਾ ---ਜੋ ਜਨਤਾ ਨੂੰ ਬੇਵਕੂਫ਼ ਸਮਝਦਾ ਹੋਵੇ-- “

ਪਰ ਮੇਰੀ ਸੋਚ ਦੇ ਮੁਤਾਬਕ ਅਸਲੀਅਤ ਇਸਦੇ ਉਲਟ ਹੈ ..ਇਹ ਕੇਜਰੀਵਾਲ ਹੀ ਹੈ ਜਿਸਨੇ ਸਮੁੱਚੇ ਭਾਰਤ ਦੀ ਜੰਤਾ ਨੂੰ ਭ੍ਰਿਸ਼ਟਾਚਾਰ ਰਹਿਤ ਸਮਾਜ ਦੀ ਸਿਰਜਣਾ ਦੀ ਆਸ ਦਾ , ਨਾ ਕੇਵਲ ਸੁਪਨਾ ਹੀ ਜਗਾਇਆ ਬਲਕਿ ਜੰਤਾ ਨੂੰ ਇੱਕ ਯਕੀਨੀ ਪ੍ਰੋਗਰਾਮ ਵਾਹ ਕੇ ਦਿੱਤਾ ਕਿ ਕਿਸ ਤ੍ਰਾਂਹ ਇੱਕ ਭ੍ਰਿਸ਼ਟਾਚਾਰ ਰਹਿਤ “ ਸਵਰਾਜ ” ਦੀ ਸਥਾਪਨਾ ਕੀਤੀ ਜਾ ਸਕਦੀ ਹੈ , ਕਿਸ ਤ੍ਰਾਂਹ ਸਥਾਨਕ ਪੰਚਾਇਤਾਂ ਅਤੇ ਸਥਾਨਕ ਵਿਧਾਵਾਂ ਆਪਣੇ ਫੈਸਲੇ ਆਪ ਨੀਯਤ ਕਰਨਗੀਆਂ , ਅਤੇ ਅਸਲੀ ਤਾਕਤ ਅਸਲੀ ਸੱਤਾ ਲੋਕਾਂ ਦੇ ਆਪਣੇ ਹੱਥ ਹੋਵੇਗੀ ..ਏਸ practical Program ਨੂੰ ਲੋਕਾਂ ਵਿੱਚ ਲਿਜਾਣ ਵਾਸਤੇ ਕੇਜਰੀਵਾਲ ਜੀ ਨੂੰ ਪੂਰੇ ਬਾਰਾਂ ਸਾਲ ਲੱਗ ਗਏ , ਨਿਰੇ ਗੱਲਾਂ ਨਾਲ ਨਹੀਂ ਓਹ ਝੁੱਗੀਆਂ ਝੋਂਪੜੀਆਂ ਵਾਲੇ ਲੋਕਾਂ ਵਿੱਚ ਰਿਹਾ ਉਂਨ੍ਹਾਂ ਵਿਚ ਸੁੱਤਾ ....ਉਸ ਵਲੋਂ ਸ਼ੁਰੂ ਕੀਤੀ ਹੋਈ , ਉਸਦੀ ਹੀ ਇਹ ਘਾਲਣਾ ਸੀ ਜਿਸਨੇ ਲੋਕਾਂ ਦਾ ਦਿਲ ਜਿੱਤਿਆ ...

ਇਹ ਅੰਦੋਲਨ ਜੋ ਇੱਕ ਸਾਲ ਦੇ ਅੰਦਰ ਹਿੰਦੁਸਤਾਨ ਦੀ ਗਲੀ ਗਲੀ ਵਿੱਚ ਲੋਕ ਪਿਆਰਾ ਹੋਇਆ , ਇਸਦਾ ਸਿਲਾ ਸਿਰਫ਼ ਅਤੇ ਸਿਰਫ਼ ਕੇਜਰੀਵਾਲ ਜੀ ਨੂੰ ਜਾਂਦਾ ਹੈ , ਸੱਤਾ ਵਿੱਚ ਆਕੇ , ਸੱਤਾ ਦੇ ਪੁਰਾਣੇ ਲੋਟੂ ਢਾਂਚੇ ਨੂੰ ਖਤਮ ਕਰਕੇ ਸੱਤਾ ਦੀ ਵਿਵਸਥਾ ਨੂੰ ਬਦਲਣਾ ਕੇਜਰੀਵਾਲ ਜੀ ਦਾ ਬੜਾ ਖੁਲ੍ਹਮ ਖੁਲ੍ਹਾ ਨਾਹਰਾ ਸੀ , ਇਹ ਕਹਿਣਾ ਗਲਤ ਹੋਵੇਗਾ ਕਿ ਓਹ ਚੀਫ਼ ਮਨਿਸਟਰ ਤੋਂ ਪ੍ਰਾਇਮਨਿਸਟਰ ਦੀ ਗੱਦੀ ਹਥਿਆਉਣ ਦੇ ਲਾਲਚ ਨੂੰ ਦਿੱਲੀ ਵਿਧਾਨ ਸਭ੍ਹਾ ਤੋਂ ਭੱਜ ਕੇ ਪਾਰਲੀਆਮੈਂਟ ਵਾਸਤੇ ਦੌੜਿਆ ..ਉਸਦਾ ਆਪਣਾ ਇਹ ਮੰਨਣਾ ਸੀ ਕਿ , ਦਿੱਲੀ ਨੂੰ ਵਿਧਾਨ ਸਭਾਹ ਨੂੰ . ਦਿੱਲੀ ਦੀ ਕੇਂਦਰ ਸਰਕਾਰ ਨੇਂ ਪੂਰੀ ਤਾਕਤ ਅਤੇ ਕੰਟ੍ਰੋਲ ਕਦੀ ਵੀ ਨਹੀਂ ਦੇਣਾ , ਜਿਸ ਵਾਸਤੇ ਦਿੱਲੀ ਪਾਰਲੀਆਮੈਂਟ ਵਿੱਚ ਸੱਤਾ ਨੂੰ ਅਪਨਾਉਣਾ ਬਹੁਤ ਜ਼ਰੂਰੀ ਸੀ ....ਦਿੱਲੀ ਦੇ ਮੁੱਖ ਮੰਤਰੀ ਤੋਂ ਅਸਤੀਫਾ ਦੇਣਾ ਭਾਵੇਂ ਹਰ ਤ੍ਰਾਂਹ ਠੀਕ ਸੀ , ਪਰ ਓਹ ਆਪ ਮੰਨਦਾ ਹੈ ਕਿ ਉਸ ਨੂੰ ਲੋਕਾਂ ਦੀ ਇੱਕ ਵਾਰੀ ਰਾਏ ਜਰੂਰ ਲੈ ਲੈਣੀ ਚਾਹੀਦੀ ਸੀ ....ਇਹ ਇੱਕ ਰਣ ਨੀਤੀ ਦੀ ਗਲਤੀ ਤਾਂ ਸੀ ਪਰ ਉਸਦੀ ਨੀਯਤ ਵਿੱਚ ਬੇਈਮਾਨੀ ਜਾਂ ਸੱਤਾ ਦਾ ਲਾਲਚ ਨਹੀਂ ਸੀ .....ਜੋ ਆਦਮੀ ਪੂਰੇ ਦੇਸ਼ ਨੂੰ ਇੱਕ ਰਾਜਨੀਤੀ ਵਿੱਚ ਬਦਲਾਓ ਲਿਆਉਣ ਵਾਲੇ ਅੰਦੋਲਨ ਨੂੰ ਇੱਕਲਾ ਹੀ ਆਪਣੀ ਸੋਚ ਦੇ ਬਲ ਬੂਤੇ ਉੱਤੇ ਇੱਥੇ ਲਿਆ ਕੇ ਖੜਾ ਸਕਦਾ ਹੈ ..ਓਹ ਕੋਲੋੰ ਸੁਭਾਵਕ ਹੈ ਕਿ ਇੱਕ ਅਧੀ ਰਣ-ਨੀਤੀ ਵਿੱਚ ਗਲਤੀ ਹੋ ਜਾਂਦੀ .....

ਸਾਰੇ ਦੇਸ਼ ਵਿੱਚ ਪੰਜਾਬ ਤੋਂ ਮਿਲੀਆਂ ਚਾਰ ਸੀਟਾਂ ਤੋਂ ਸਿਵਾ ਆਮ ਆਦਮੀ ਪਾਰਟੀ ਨੂੰ ਕੋਈ ਸੀਟ ਨਹੀਂ ਮਿਲੀ ..ਇਹ ਇੱਕ ਸੋਚਣ ਵਾਲਾ ਮੁੱਦਾ ਹੈ ..ਕੇਜਰੀਵਾਲ ਸੋਚ ਪ੍ਰਣਾਲੀ ਦੀ ਟੀਮ ਨੂੰ ਇਸ ਉੱਤੇ ਗੰਭੀਰ ਵਿਚਾਰ ਕਰਨ ਦੀ ਜਰੂਰਤ ਹੈ ...

ਪੰਜਾਬ ਆਮ ਆਦਮੀ ਪਾਰਟੀ ਚਾਰ ਸੀਟਾਂ ਏਸ ਕਰਕੇ ਨਹੀਂ ਜਿੱਤੀ ਕਿ ਪੰਜਾਬ ਦੇ ਲੋਕ ਕੇਜਰੀਵਾਲ ਸੋਚ ਨੂੰ ਪੂਰੀ ਤਰਾਂ ਆਪਣਾ ਚੁੱਕੇ ਸਨ ...ਇਹ ਪੰਜਾਬੀਆਂ ਦਾ ਪੰਜਾਬ ਦੀ ਸੱਤਾਧਾਰੀ ਪਾਰਟੀ ਵਲੋਂ ਧੱਕੇ ਅਤੇ ਗੁੰਡਾਗਰਦੀ ਦੀ ਪੌਲਸੀ ਆਪਣਾ ਕੇ , ਪੰਜਾਬ ਦੀ ਜਵਾਨੀਂ ਨੂੰ ਨਸ਼ਿਆਂ ਵਿੱਚ ਗਰਕ ਕਰਾਉਣ ਵਾਲੇ , ਰਾਜ ਕਰਨ ਦੇ ਢੰਗ ਦੇ ਵਰੁਧ ਜੰਤਾ ਦਾ ਵਿਦਰੋਹ ਅਤੇ ਰੋਸ ਵੀ ਹੋ ਸਕਦਾ ਹੈ ..ਭ੍ਰਿਸ਼ਟਾਚਾਰ ਤੋਂ ਤਾਂ ਸਾਰਾ ਦੇਸ਼ ਦੁਖੀ ਹੈ ..ਫੇਰ ਸਾਰੇ ਦੇਸ਼ ਵਿੱਚ ਆਮ ਆਦਮੀ ਪਾਰਟੀ ਬਾਵਜੂਦ ਐਡੀ ਭਾਰੀ ਲੋਕ ਪਿਆਰੀ ਲਹਿਰ ਦੇ ਹੋਣ ਦੇ , ਕਿਓਂ ਨਹੀਂ ਕੋਈ ਸੀਟ ਜਿੱਤ ਸਕੀ ...ਇਹ ਸਾਰੇ ਮੁੱਦਿਆਂ ਦਾ ਬਰੀਕੀ ਨਾਲ ਮੁਤਾਲਿਆ ਕਰਨ ਦੀ ਜਰੂਰਤ ਹੈ ...

ਨਵੇਂ ਸਵਾਲ ,
ਨਵੀਂ ਸੋਚ , ਨਵੀਂ ਸੱਤਾ ,
ਨਵੇਂ ਆਕਾਸ਼ , ਨਵੇਂ ਦਿਸ ਹੱਦੇ , ਨਵੀਂ ਸਵੇਰ ਮੁਬਾਰਕ ਦੋਸਤੋ !

ਜਸਮੇਰ ਸਿੰਘ ਲਾਲ
16/05/2014